Սահմանված չեն չափորոշիչներ ասպիրանտական տեղերի հատկացման համար,  ասպիրանտուրա ընդունելության տեղերը սահմանվում են ՀՀ ԿԳ նախարարի հրամանով:

Սակայն բուհերին ատենախոսության թեմա հաստատելու իրավունքը տալիս է ԲՈՀ-ը: Ստեղծվում է մի իրավիճակ, երբ բուհը իրականացնում է ասպիրանտական ընդունելություն, բայց փաստացի ի վիճակի չէ  իրականացնել կրթություն (չունի մինիմում քննություններ ընդունելու, գիտական ղեկավար նշանակելու փաստացի հնարավորություն և  մասնագիտական խորհուրդ): Նման դեպքերում, բուհերը սկսում են իրենց մոտ ձևական կերպով ձևակերպել այլ բուհերից գիտնականներ, որոնք, ըստ էության, առնչություն չունեն տվյալ բուհի հետ: Նման դեպքերում ասպիրանտը կամ հայցորդը վճարում է ուսման վարձ, մեկ այլ բուհում վճարում է քննությունների համար, ինքնու րույն փնտրում է գիտական ղեկավար, անհրաժեշտության դեպքում հոգում է արտերկրից իր պաշտպանության համար հրավիր վող գիտնա կանների ողջ ծախսերը: