ԳՐԵԿՈ-ն դրական է գնահատել դատավորների, պատգամավորների և դատախազների շրջանում կոռուպցիայի կանխարգելման ոլորտում Հայաստանի վերջին մեկ տարվա ձեռքբերումները: Այս ուղղություններով գնահատման փուլը Հայաստանի համար համարվել է իրականացված և ավարտված:
Դատավորների, պատգամավորների և դատախազների շրջանում կոռուպցիայի կանխարգելմանն առնչվող ԳՐԵԿՈ-ի գնահատման չորրորդ փուլը Հայաստանի Հանրապետության համար մեկնարկել է դեռևս 2015 թվականից: 2017 թվականի միջանկյալ գնահատման արդյունքներով ԳՐԵԿՈ-ի պարտադիր կատարման ենթակա 18 հանձնարարականներից 13 կատարված չէին կամ կատարված էին մասնակի։ 2019 թվականի միջանկյալ գնահատմամբ Հայաստանի կատարողականը գնահատվում էր «համընդհանուր անբավարար» (ներկայացված 18 հանձնարարականներից 11-ը մնում էին չկատարված)։
2022 թվականին իրականացված շարունակական բարեփոխումների արդյունքում թվով ևս երկու հանձնարարական գնահատվել էին կատարված, ինչի արդյունքում Հայաստանի Հանրապետությունն ի վերջո դուրս էր եկել ԳՐԵԿՈ-ի գնահատման անհամապատասխանության գործընթացից՝ այլևս չհամարվելով «համընդհանուր անբավարար» կատարողական ունեցող երկիր:
2024 թվականի նոյեմբերին կայացած ԳՐԵԿՈ-ի 98-րդ լիագումար նիստի ընթացքում քննարկվել և հաստատվել է Հայաստանի վերաբերյալ վերջին համապատասխանության զեկույցը, և ևս երեք հանձնարարական գնահատվել է բավարար կատարված: Հայաստանն ավարտել է ԳՐԵԿՈ-ի չորրորդ մոնիթորինգային փուլը՝ 6 մասնակի և 12 բավարար կատարված հանձնարարականի կատարողականի արդյունքներով:
2024 թվականի մարտին հաստատվել է Եվրոպայի խորհրդի «Կոռուպցիայի դեմ պայքարի պետությունների խմբի» (ԳՐԵԿՈ) Հայաստանի գնահատման 5-րդ փուլի զեկույցը՝ «Կոռուպցիայի կանխարգելումը և բարեվարքության խթանումը իշխանության կենտրոնական մարմիններում (բարձրագույն գործադիր մարմիններում և իրավապահ մարմիններում») խորագրով:
Զեկույցը գնահատում է Հայաստանում առկա կոռուպցիայի կանխարգելման շրջանակի արդյունավետությունը բարձրագույն ղեկավար պաշտոններ զբաղեցնող անձանց և իրավապահ մարմինների աշխատակիցների շրջանում: Այն նպատակ ունի աջակցել Հայաստանին հանրային կյանքում թափանցիկության, բարեվարքության և հաշվետվողականության ամրապնդման գործում՝ ԳՐԵԿՈ-ի չափանիշներին համապատասխան:
Գնահատման շրջանակում ուսումնասիրվում և գնահատվում է վարչապետի, փոխվարչապետների, նախարարների, վերջիններիս խորհրդականների (ներառյալ հասարակական հիմունքներով խորհրդականների) և նախարարների տեղակալների (PTEF), ինչպես նաև ոստիկանության ողջ համակարգի առնչությամբ առկա կոռուպցիայի կանխարգելման և բարեվարքության համակարգի կառուցակարգերը: Գնահատվում է նաև նշյալ կառուցակարգերի օրենսդրական և իրավակիրառ մակարդակը, ինչպես նաև՝ դրանց վերաբերյալ ընկալումները հասարակության և ԶԼՄ շրջանակներում:
Զեկույցով Հայաստանին տրվել է պարտադիր կատարման ենթակա 22 հանձնարարական՝ գործադիր իշխանության մարմինների և ՀՀ ՆԳՆ ոստիկանության համար համապատասխանաբար 11 հանձնարարականով:
Զեկույցում նշված 22 հանձնարարականները մեծ մասամբ ամրագրված են 2023-2026թթ. հակակոռուպցիոն ռազմավարությամբ և նախանշված ժամկետներում քայլ առ քայլ իրականացվելու են ԳՐԵԿՈ-ին ներկայացվող զեկույցներին զուգընթաց:ԳՐԵԿՈ-ն դրական է գնահատել դատավորների, պատգամավորների և դատախազների շրջանում կոռուպցիայի կանխարգելման ոլորտում Հայաստանի վերջին մեկ տարվա ձեռքբերումները: Այս ուղղություններով գնահատման փուլը Հայաստանի համար համարվել է իրականացված և ավարտված:
Դատավորների, պատգամավորների և դատախազների շրջանում կոռուպցիայի կանխարգելմանն առնչվող ԳՐԵԿՈ-ի գնահատման չորրորդ փուլը Հայաստանի Հանրապետության համար մեկնարկել է դեռևս 2015 թվականից: 2017 թվականի միջանկյալ գնահատման արդյունքներով ԳՐԵԿՈ-ի պարտադիր կատարման ենթակա 18 հանձնարարականներից 13 կատարված չէին կամ կատարված էին մասնակի։ 2019 թվականի միջանկյալ գնահատմամբ Հայաստանի կատարողականը գնահատվում էր «համընդհանուր անբավարար» (ներկայացված 18 հանձնարարականներից 11-ը մնում էին չկատարված)։
2022 թվականին իրականացված շարունակական բարեփոխումների արդյունքում թվով ևս երկու հանձնարարական գնահատվել էին կատարված, ինչի արդյունքում Հայաստանի Հանրապետությունն ի վերջո դուրս էր եկել ԳՐԵԿՈ-ի գնահատման անհամապատասխանության գործընթացից՝ այլևս չհամարվելով «համընդհանուր անբավարար» կատարողական ունեցող երկիր:
2024 թվականի նոյեմբերին կայացած ԳՐԵԿՈ-ի 98-րդ լիագումար նիստի ընթացքում քննարկվել և հաստատվել է Հայաստանի վերաբերյալ վերջին համապատասխանության զեկույցը, և ևս երեք հանձնարարական գնահատվել է բավարար կատարված: Հայաստանն ավարտել է ԳՐԵԿՈ-ի չորրորդ մոնիթորինգային փուլը՝ 6 մասնակի և 12 բավարար կատարված հանձնարարականի կատարողականի արդյունքներով:
2024 թվականի մարտին հաստատվել է Եվրոպայի խորհրդի «Կոռուպցիայի դեմ պայքարի պետությունների խմբի» (ԳՐԵԿՈ) Հայաստանի գնահատման 5-րդ փուլի զեկույցը՝ «Կոռուպցիայի կանխարգելումը և բարեվարքության խթանումը իշխանության կենտրոնական մարմիններում (բարձրագույն գործադիր մարմիններում և իրավապահ մարմիններում») խորագրով:
Զեկույցը գնահատում է Հայաստանում առկա կոռուպցիայի կանխարգելման շրջանակի արդյունավետությունը բարձրագույն ղեկավար պաշտոններ զբաղեցնող անձանց և իրավապահ մարմինների աշխատակիցների շրջանում: Այն նպատակ ունի աջակցել Հայաստանին հանրային կյանքում թափանցիկության, բարեվարքության և հաշվետվողականության ամրապնդման գործում՝ ԳՐԵԿՈ-ի չափանիշներին համապատասխան:
Գնահատման շրջանակում ուսումնասիրվում և գնահատվում է վարչապետի, փոխվարչապետների, նախարարների, վերջիններիս խորհրդականների (ներառյալ հասարակական հիմունքներով խորհրդականների) և նախարարների տեղակալների (PTEF), ինչպես նաև ոստիկանության ողջ համակարգի առնչությամբ առկա կոռուպցիայի կանխարգելման և բարեվարքության համակարգի կառուցակարգերը: Գնահատվում է նաև նշյալ կառուցակարգերի օրենսդրական և իրավակիրառ մակարդակը, ինչպես նաև՝ դրանց վերաբերյալ ընկալումները հասարակության և ԶԼՄ շրջանակներում:
Զեկույցով Հայաստանին տրվել է պարտադիր կատարման ենթակա 22 հանձնարարական՝ գործադիր իշխանության մարմինների և ՀՀ ՆԳՆ ոստիկանության համար համապատասխանաբար 11 հանձնարարականով:
Զեկույցում նշված 22 հանձնարարականները մեծ մասամբ ամրագրված են 2023-2026թթ. հակակոռուպցիոն ռազմավարությամբ և նախանշված ժամկետներում քայլ առ քայլ իրականացվելու են ԳՐԵԿՈ-ին ներկայացվող զեկույցներին զուգընթաց:
